【爆烈老呔】 喜靈洲碼頭撞鬼實錄喜靈洲由從前嘅麻瘋院演變成今日懲教署 ... 我驚到即刻跑返入探訪室同其他同事講，佢哋即刻走出去睇，但係無 ... ...GotoHome爆烈老嘢isonFacebook.Toconnectwith爆烈老嘢,joinFacebooktoday.JoinorLogInPreviousNext爆烈老嘢【爆烈老呔】喜靈洲碼頭撞鬼實錄喜靈洲由從前嘅麻瘋院演變成今日懲教署監獄，島上分別設立四所監獄，女子、成人及青少年戒毒所等等，因為被例為禁區，所以一向被外界感覺非常神秘，更不時傳出鬧鬼事件，我「老呔」今次就同大家續一分享幾個島上真人真事嘅靈異事件。

每日喜靈洲懲教署職員返工必須乘搭指定嘅職員船，定時接載職員返工放工。

某日我一如以往由中環坐職員船返喜靈洲，大部分職員都喺航行途中休息。

正响我休息嘅時候，矇矇矓矓聽到船上職員議論紛紛，擘大眼望出窗，見到三隻職員船停喺喜靈洲碼頭前面，停咗好耐都唔走，我突然有個不祥嘅預兆，就衝口而出：「前面幾架隻船停咗咁耐，啲人又唔落船，唔通死咗人呀......!!!」😧😧😧轉個頭就見到岸上有一班醫院職員、醫官（注島醫生）拎住藥箱、擔架床跑出碼頭。

吓！😰唔係咁橋開口中呀嘛？冇幾耐醫院職員由其中一隻船上抬咗一名職員上碼頭當埸急救，經過一輪搶救之後最後放上擔架床抬走咗。

之後其他職員就開始陸續上岸開工，上到碼頭就有同事講有位同事突發性心臟衰竭搶救無效死咗，死者就係每日都同我一齊喺碼頭當值，負責接待犯人家屬上岸登記安排探訪嘅（安仔）😢，實在嚟得太突然，我啲眼淚巳經忍唔住流出嚟......😭😭😭接更後，第一批探訪家屬上岸，我喺碼頭分流探訪者去探訪室登記，就喺嗰時我突然感覺到有人企喺我背後，轉身一睇，見到一個净係得左邊身，着住制服嘅（安仔）🥶🥶，企喺樹下面眼定定咁望住我，我個心直頭彈咗出嚟咁滯，我大叫咗聲「嘩......」，我驚到即刻跑返入探訪室同其他同事講，佢哋即刻走出去睇，但係無一個人見到佢😔，只有我睇到😟，有同事話（安仔）可能仲未知道自己死咗，潛意識仲返緊工當值，所以仲喺碼頭出現。

當日，喜靈洲總監督（島主）嚟碼頭了解情況，我同佢講我見到（安仔）嘅事，（島主）叫我收工之後買啲金銀衣紙同路票，聽日返工喺碼頭燒比（安仔）等佢可以離開個島，讓佢安心上路。

第二日，最後一班探訪家屬離開後，我就馬上出碼頭燒嘢比（安仔）。

燒燒下，突然覺得有野遮住啲陽光咁，我抬頭一望😨😨😨，竟然見到一隻黑色，郵輪咁大嘅船係碼頭旁邊，隻船大到將喜靈洲碼頭對出海面所有海景都幾乎遮住晒，望真啲隻船好似紙札出嚟咁，嗰情景真係又誇張又恐怖😱😱😱，見到咁怪異嘅景像，都唔理得咁多，啦啦聲將衣纸同路票盡快燒晒，立即跑返入探訪室。

諗住燒完啲路票同衣紙比（安仔），佢就可以離開個島啦。

點知，收工行到出碼頭排隊等船嗰陣，😳😳😳見到（安仔）仲企咗喺碼頭前面，係咁望住海上面隻黑色紙船，眼見其他同事又無乜異樣，我當時真係好驚，又唔明發生緊乜事，上船時同（安仔）擦身而過，我只係揼底頭行過，望都唔敢望佢一眼😖😖😖上到船，等個心平靜返，我同同事講仲見到（安仔）喺碼頭，其中有一個同事就話冇理由架，收到路票應該離開咗啦，點會仲企喺碼頭唔走架，有冇做漏啲乜呀???一言驚醒，張路票唔係寫（安仔）個全名呀😪！一落船就直奔紙紥舖，紙挚舖老闆聽完講我嘅經歷，佢就親自幫我寫路票，就話應該可以上船啦。

到第二日返工，上岸時仲見到（安仔）同隻紙船仍然係度，同噚晚收工時一樣，（安仔）都係望住隻紙船。

我第一時間即刻燒咗張路票，當時自己都唔敢相信自己眼前見到嘅情景。

當路票一燒完，就見到嗰隻黑色船同（安仔）慢慢喺空氣中消失，佢應該上咗船離開喜靈洲，從此以後就冇再喺喜靈洲碼頭見到（安仔）啦。

在此希望（安仔）早登天國任逍遙下集老呔會繼續同大家分享喜靈洲之(水鬼)Nov1,2020·Public·inTimelinePhotosViewFullSize爆烈老嘢and429otherslikethis.KaiTungYang超正😱2·Nov1,20201replyCoffeeTerryKo太多字.....多謝你出盡墨水😂等待繼續分享1·Nov1,20201replyJumboMan張相好有氣紛2·Nov1,20201replyPingFan1·Nov1,20201replyRitaaLw👍🏾期待下集水鬼1·Nov3,20201reply金銅子🙏1·Nov1,20201replyWaiLamTam有點似幽遊白書中暗黑武術大會的比賽場地2·Nov2,20202repliesKaW